Facebook Twitter Google+ Share

Dell XPS 13 ជម្រើសចុងក្រោយនេះពិតជាមិនអន់នោះទេ បើនិយាយពីបច្ចេកវិទ្យាគ្រឿងម៉ាស៊ីនខាងក្នុង និងការរចនាខាងក្រៅនោះ ... ... ...

2018-1-27 13:59| Menghong | Dell

កាលពីពិព័រណ៍ CES ដែលប្រារព្ធឡើងនៅក្នុងខែមករាកន្លងទៅនេះក្រុមហ៊ុន Dell បានប្រកាសនូវកំណែថ្មីនៃកុំព្យូទ័រយួរដ ...

កាលពីពិព័រណ៍ CES ដែលប្រារព្ធឡើងនៅក្នុងខែមករាកន្លងទៅនេះក្រុមហ៊ុន Dell បានប្រកាសនូវកំណែថ្មីនៃកុំព្យូទ័រយួរដៃដែលមានលក្ខណៈពិសេសបំផុតដែលមានម៉ូឌែល XPS 13 ។ ម៉ូឌែលមួយនេះគឺមានរូបរាងពិតស្រស់ស្អាតនិងទាក់ទាញខ្លាំងណាស់សម្រាប់អ្នកប្រើប្រាស់នៅក្នុងការិយាល័យ សិស្សនិស្សិត និងអ្នកធ្វើការងារផ្សេងៗបានទៀតផង។ 

ចំនុចពិសេសនៃម៉ូឌែលមួយនេះ ក្រុមហ៊ុនបានបំពាក់មកជាមួយនឹងអេក្រង់ទំហំ 13.3 អ៊ីញ, មានសមត្ថភាពបង្ហាញ រូបភាពនិងវីដេអូបានដល់កម្រិត 4K UHD និងមាន Resolution ទំហំ (3840 x 2160)ភិកសែល និងបានបំពាក់ដោយអេក្រង់ Touchscreen រីឯផ្ទាំងខាងក្រៅវិញម៉ូឌែលមួយនេះបានស្រោបដោយកញ្ចក់ ប្រភេទ Gorilla Glass 4 ។ XPS 13 បានដំណើរការដោយជំនាន់ CPU ទី5 របស់ Intel Core i5-8250U ដែលមានល្បឿន 3.40 GHz ។ មាន RAM ទំហំ 8GB និង មានទំហំអង្គផ្ទុកទិន្នន័យ 128 GB។ ដំណើរការដោយម៉ាស៊ីន Window 10 ។ 

កំព្យូទ័រ XPS 13 មានពីរពណ៍សម្រាប់ជ្រើសរើសគឺមានពណ៍ទឹកប្រាក់ និងទឹកមាស បើនិយាយពីបច្ចេកវិទ្យាថ្មវិញ អ្នកអាចប្រើប្រាស់បានរហូតដល់ 11 ម៉ោងដែលមានទំហំ 52 WHr។សម្រាប់តម្លៃវិញលោកអ្នកអាចរកទិញបាននៅក្នុងក្រុមហ៊ុន Dell ផ្ទាល់តែម្តង ដែលមានតម្លៃ 949 ដុល្លារ។ 

ទាំងអស់នេះគឺបច្ចេកវិទ្យានិងគ្រឿងម៉ាស៊ីនដែលក្រុមការងាររបស់ Dell បានបង្ហាញ ហើយបើយើងក្រលេកមើលពីការរចនារូបរាងនៃកំព្យូទ័រយួរដៃមួយម៉ូឌែលនេះ គឺមានរាងស្តើងណាស់ ដែលអាចយួរកាន់ដូចជាកំពុងតែកាន់ថេប្លេកមួយដ៏ស្តើងអ៊ីចឹងដែរ ។ នេះគឺជាម៉ូឌែលចុងក្រោយដែលក្រុមហ៊ុន Dell បានផលិតមកយ៉ាងសំរិតសំរាងបំផុតសម្រាប់បំពេញតំរូវការរបស់អតិថិជន ហើយវាទើបតែបានដាក់លក់នៅក្នុងទីផ្សារសហរដ្ឋអាមេរិកតែប៉ុណ្ណោះ សម្រាប់ទីផ្សារពិភពនឹងមកដល់ក្នុងពេលឆាប់ៗនេះថែមទៀតផង​។  

ប្រភព៖ Dell 
ដោយ៖ Raksmey  

Like

Love

Haha

Angry

sad

wow

Latest comments

Like Us On Facebook,You know you want to.

GO TopCustomerMobile V
To Top