មូលហេតុដែលធ្វើឱ្យអ្នកមិនស្រកទម្ងន់

jupi · 2018-4-18 16:04

អ្នកប្រហែលជាឆ្ងល់ចំពោះវិធីសម្រកទម្ងន់របស់អ្នក ហេតុអ្វីអ្នកព្យាយាមគ្រប់វិធីហើយតែនៅតែមិនបានផលល ដូច្នេះហើយនេះបញ្ជាក់ឱ្យឃើញថាអ្នកមានបញ្ហាក្នុងការប្រើប្រាស់វិធីសាស្ត្រទាំងនោះ។ មានពេលខ្លះបើទោះជាអ្នកបានខិតខំច្រើនក្តីក៏វានៅមិនទទួលលទ្ធផលដូចបំណងឡើយ ។ ក្នុងនោះដែរមានកត្តាមួយចំនួនដែលធ្វើឱ្យអ្នកសម្រកទម្ងន់មិនបានដូចបំណង ។

ខាងក្រោមនេះដែលអ្នកយល់ខុស និងមិនបានជួយអ្នកក្នុងការសម្រកទម្ងន់៖

- ការទទួលទាន៖ ការទទួលទានមិនបានគ្រប់គ្រាន់នឹងធ្វើឱ្យរាងកាយរបស់អ្នកមានប្រតិកម្មបញ្ជ្រាសមកវិញ ព្រោះវាត្រូវការទាញយកអាហារូបត្ថម្ភចាំបាច់ដើម្បីទៅចិញ្ចឹមរាងកាយ ហើយវាត្រូវរក្សាបម្រុងទុកខ្លះដើម្បីផ្គត់ផ្គង់នៅពេលរាងកាយរបស់អ្នកហត់នឿយច្រើន ។ ការទទួលទានមិនបានគ្រប់គ្រាន់នឹងធ្វើឱ្យសមត្ថភាពរំលាយអាហារមានការធ្លាក់ចុះ ។

- អសកម្ម៖ ភាពរវល់នឹងការងារប្រចាំថ្ងៃច្រើន និង មិនបានបញ្ចេញសកម្មភាពកីឡា ឫ ហាត់ប្រាណអ្វីខ្លះទេនោះវានឹងជះឥទ្ធិពលខ្លាំងដល់ការឡើងទម្ងន់នៃរាងកាយព្រោះរាងកាយនឹងជម្រុញឱ្យអ្នកពិសាអាហារកាន់តែច្រើនដើម្បីបំពេញសភាពអស់កម្លាំងនៃការងារប្រចាំថ្ងៃ ។

- ហាត់ប្រាណច្រើនពេក៖ ការហាត់ប្រាណដ៏លើសលប់នឹងធ្វើឱ្យកាន់តែមានអារម្មណ៍ថាឃ្លាន ព្រោះបន្ទាប់ពីហាត់ប្រាណអស់កម្លាំងហើយនោះ រាងកាយអ្នកនឹងត្រូវការអាហារបន្ថែមដដើម្បីជួយស្តាថាមពលរាងកាយឡើងវិញ ដូច្នេះអ្នកត្រូវទប់ស្កាត់ ។

- គេងមិនបានគ្រប់គ្រាន់៖ ដំណេកគឺជារឿងមួយសំខាន់ ដោយឡែកមនុស្សខ្លះតែងមានបញ្ហាគេងមិនលក់ និង បានប្រើអាហារបំប៉ន ថ្នាំមួយចំនួនដើម្បីជំនួយដំណេក ។ ដូច្នេះហើយអ្នកគួរដឹងហើយថាការគេងមិនបានគ្រប់គ្រាន់ក៏ជាសញ្ញាមួយបង្ហាញឱ្យដឹងថារាងកាយអ្នកនឹងឈានទៅប្រឈមនិងការឡើងទម្ងន់បន្តិចម្តងៗផងដែរ ។

- ទទួលទានច្រើនជាងអ្វីដែលរាងកាយត្រូវការ៖ បើអ្នកពិសាអាហារច្រើនពេករាងកាយអ្នកនឹងសម្របទៅតាមនោះ និង ប្រឹងប្រែងធ្វើការច្រើនដើម្បីកិនរំលាយអាហារ ហើយសារធាតុអាហារូបត្ថម្ភខ្លះនឹងមានចំនួនច្រើនសេសសល់ធ្វើឱ្យរាងកាយរីកធំជាពិសេសបង្ករឱ្យមានកម្រិតកូឡេស្តេរ៉ូល និង កាឡូរីច្រើន ។ ហេតុដូច្នេះហើយអ្នកគួរកំណត់បរិមាណអាហារដែលត្រូវពិសាជារៀងរាល់ថ្ងៃ ៕

អត្ថបទ៖ jupi

Article Category

Market Category

11Follower

មូលហេតុដែលធ្វើឱ្យអ្នកមិនស្រកទម្ងន់