• jupi
  • Moderator

11Follower

  • jupi
Facebook Twitter Google+ Share

រដ្ឋមន្ត្រីទេសចរណ៍ ៖ ការីទេសចរណ៍រកស៊ីលក់កញ្ចប់ទស្សនាថ្លៃសូន្យ (Zero Package Tour ) ជាមេរោគក្នុងវិស័យ...

[Copy link]
116 0
Share
សៀមរាប៖ រដ្ឋមន្ត្រីក្រសួងទេសចរន៍កម្ពុជា លោកថោង ខុន បានធ្វើការព្រមានដល់ ការីទេសចរណ៍ទាំងឡាយ ដែលកំពុងតែធ្វើអាជីវកម្មលក់កញ្ចប់ទស្សនកិច្ច ដែលមានតម្លៃសូន្យ (Zero Package Tour) ឲ្យបញ្ឈប់សកម្មភាពនេះជាបន្ទាន់ព្រោះវាបានធ្វើប៉ះពាល់ធ្ងន់ធ្ងរដល់វិស័យទេចរណ៍ និងដល់កិត្តិនាមជាតិ ។

1ba8eba94fd1caec7c6f5f97011ca222.jpg
លោកថោង ខុន បានព្រមានបែបនេះ ក្នុងពិធីបិទសិក្ខាសាលាពិគ្រោះយោបល់លើកទី១ ស្តីពីការរៀបចំផែនការមេអភិវឌ្ឍន៍វិស័យទេសចរណ៍ខេត្តសៀមរាប កាលពីថ្ងៃទី១១ ខែកក្កដា ឆ្នាំ២០១៩។
ការលក់កញ្ចប់ទស្សនកិច្ចថ្លៃសូន្យ (Zero Package Tour) សំដៅលើសកម្មភាពលក់កញ្ចប់ទស្សនកិច្ចនៅថ្លៃទាប​ ឬលក់ទាំងខាត​ ដោយតម្រូវឱ្យទេសចរអន្តរជាតិ ទិញទំនិញក្នុងតម្លៃខ្ពស់​ ដើម្បីប៉ះប៉ូវការខាតបង់ទាំងនោះ។
លោកថោង ខុន បានលើកឡើងថា ការីទេសចរណ៍ដែលប្រកបអាជីវកម្ម Zero Package Tour ជាមេរោគបំផ្លាញគោលដៅទេសចរណ៍នៅតំបន់សៀមរាបអង្គរ ក៏ដូចជានៅប្រទេសកម្ពុជាទាំងមូល ពីព្រោះទេសចរអន្តរជាតិដែលមកទស្សនាកម្ពុជា តាមរយៈក្រុមហ៊ុនទាំងនេះ​មានការខាតបង់ និងខកចិត្តយ៉ាងខ្លាំង រហូតដល់អ្នកខ្លះក៏លែងចង់មកទស្សនានៅកម្ពុជាលើកក្រោយទៀតដែរ។


បើតាមលោកថោង ខុន នេះជាបញ្ហាមួយដែលធ្វើឱ្យប៉ះពាល់ដល់កិត្តិនាម និងនយោបាយទេសចរណ៍ជាតិ ដែលត្រូវរួមគ្នាទប់ស្កាត់ឱ្យបាន។ “យើងកុំបន្ទោសភ្ញៀវ ពួកគេអត់ដឹងទេ តែក្រុមហ៊ុនអ្នករកស៊ី Zero Package Tour នេះ គឺជាអ្នកបំផ្លាញគោលដៅទេសរណ៍តែម្ដង” មានន័យថា ពួកគេរកស៊ីដោយមិនគិតចំណេញក្នុងកញ្ចប់ តែពួកគេយកភ្ញៀវមកដើម្បីកាប់ស៊ី តាមរយៈការលក់វត្ថុអនុស្សាវរីយ៍ គ្រឿងអលង្ការក្លែងក្លាយ ទំនិញ និងសេវាកម្មអន់គុណភាព ដោយទទួលបានលុយក្រៅ ឬហៅថា Comission ហួសហេតុពីម្ចាស់មូលដ្ឋានអាជីវកម្មទាំងនោះ រហូតមានករណីពួកក្រុមហ៊ុនទេសចរណ៍ជាការីទេសចរណ៍ ឬភ្នាក់ងារទេសចរណ៍ខ្លះ ជំពាក់លុយម្ចាស់មូលដ្ឋានអាជីវកម្មទេសចរណ៍មិនសង ឬសងយឺតយ៉ាវផងដែរ ដែលនាំឲ្យគុណភាពសេវាកម្មកាន់តែធ្លាក់ចុះ។


លោក ថោង ខុន បានបន្ថែមថា មានក្រុមហ៊ុនខ្លះទិញសំបុត្រចូលទស្សនាអង្គរវត្ត ៦២ដុល្លារ សម្រាប់រយៈពេល៣ថ្ងៃ តែភូតភរភ្ញៀវនាំភ្ញៀវចូលទស្សនាអង្គរវត្តតែ ១ថ្ងៃទេ ហើយថ្ងៃទី២ បន្តទៅទស្សនានៅប្រាសាទបេងមាលា ១ថ្ងៃ (តម្លៃពិត ៥ដុល្លារ) និងប្រាសាទកោះកេរ ១ថ្ងៃទៀត (តម្លៃពិត ១០ដុល្លារ)។ ពួកគេភូតភរទេសចរថា ប្រាសាទបេងមាលា និងប្រាសាទកោះកេរ ក៏ជាអង្គរវត្តដែរ ដោយគាត់បានចំណេញប្រាក់ពីភ្ញៀវដល់ទៅ ១៥ដុល្លារ។ លោកថា បញ្ហានេះ ក្រសួងទេសចរណ៍ ក្រសួងសេដ្ឋកិច្ច និងហិរញ្ញវត្ថុ និងអាជ្ញាធរអប្សរា បានឯកភាពគ្នាថានៅថ្ងៃខាងមុខ នឹងបញ្ចូលប្រាសាទបេងមាលា និងប្រាសាទកោះកេរ ទៅក្នុងកញ្ចប់ទស្សនាជាមួយប្រាសាទអង្គរវត្តតែម្តង ដើម្បីកុំឱ្យក្រុមហ៊ុនរកស៊ីបោកប្រាស់ទាំងនោះកុហកភ្ញៀវបានទៀត។


ប៉ុន្តែទោះជាយ៉ាងណា នៅពេលភ្ញៀវបានដឹងពីការបោកប្រាស់នេះ ភ្ញៀវខ្លះ ទោះបីប្រាសាទអង្គរពោរពេញដោយភាពទាក់ទាញដ៏អស្ចារ្យល្បីល្បាញក៏ដោយ ក៏ពួកគេបានរិះគន់និយាយមិនល្អពីគោលដៅទេសចរណ៍កម្ពុជា ខ្លះមិនចង់មកទស្សនាសៀមរាប-អង្គរ ភ្ញៀវខ្លះក៏លែងទុកចិត្តក្រុមហ៊ុនការីទេសចរណ៍នៅកម្ពុជា ជាហេតុនាំឱ្យប៉ះពាល់ដល់កិត្តិនាមជាតិ ខាតបង់ប្រយោជន៍ជាតិ ហើយក៏ខាតបង់ដល់ការប្រកបអាជីវកម្មរបស់សណ្ឋាគារ ភោជនីយដ្ឋានមួយចំនួននោះផងដែរ, នេះបើតាមលោក ថោង ខុន។ លោកបានប្រកាសហាមឃាត់យ៉ាងដាច់អហង្កាថា «កម្ពុជាមិនអនុញ្ញាឱ្យការីទេសចរណ៍ ឬក្រុមហ៊ុនទេសចរណ៍ណាមួយ ប្រកបអាជីវកម្មបែប Zero Package Tour ក្នុងវិស័យទេសចរណ៍ទៀតនោះឡើយ»៕
ជា ស្រស់,

You have to log in before you can reply Login | Register Now

Points Rules

GO TopFast RepPreviousNext ThrBack LisCustomerMobile V
To Top